《全職沒女》頭五集，完全靠陳松伶的眼淚去搶收視，開頭以為係喜劇，但第三集開始，又好似變左文藝大悲劇，松松姐姐晚晩都要爆喊一鑊，而且喊得十分慘情，相當洋葱。
第三集：張兆輝累佢嫁唔去，又醉又喪喊！
第四集：發覺張兆輝原來唔記得七年前同佢＂哼哼＂過，十分失落，沮喪地狂喊。
第五集：交待同張兆輝七年前點解＂哼哼＂，事後俾人用錢打發走，覺得自己變左"KFC" ，又失控地喊！
其實，會唔會喊足咁多集㗎，已經開始頂唔順！
礙於角色設定，張兆輝的角色發揮不多，其他新演員又未擔到戲，為免觀眾熄機唔睇，這五集變了陳松仱的獨腳戲，一方面是販賣她已經十二年沒有幫大台拍劇，希望靠她來吸引觀眾。另外，不斷嫁唔出，＂哼哼＂過居然俾人唔認得，俾老細羅蘭趕走⋯種種設計，都是要令她衰到貼地，搏觀眾同情，追看下去，不過，這五集好似出手太重，落藥好猛！喜劇條線差點消失左。
找回松松姐姐出來擔戲，大台都好明顯唔想再吸引年青觀眾，只求保住基本盤，當然，陳松仱也實在是瞓身演出，演技無可挑剔，但一味叫她獨腳戲下去，這部劇也會變得好難捱，睇下之後三個星期有冇改善啦！
Search